Forum sur la musique kabyle - toute la musique kabyle est sur www.musiquekabyle.com -

Taɣzalt

Taɣzalt i yezdeɣn ul-iw
Mazal-i faqqeɣ
Tessufeḍ-iyi si laaqel-iw
kul mi tt-id-fekkreɣ

Rriɣ s ul-iw yessefra
D acu i di-yinna?
Nɣant-iyi tmucuha-k!
Ayen i ɣef d-yezzem yella
Nṭ­aṛṛeɣ yezṛa
Mi εiceɣ deffir acebbak
D tasarutt ur tt-nufa
Tḍul-aɣ tuffɣa
Ay ul ru, w ad ruɣ fell-ak!

Γer-i tezleḍ-d afus-im
Tkelxeḍ fell-i
Nekk ɣileɣ ul-iw d wul-im
Ad qablen kulci
Texdaḍ-iyi s zzin-im
Wekkelɣ-am Ṛebbi!

Walaɣ-tt tusa-d di tmeɣra
Walant-tt wallen-iw
Tif ɣur-i ddunit meṛṛa
Yemmekt-id wul-iw
Ṛuḥ a kem-ttuɣ tamara
Yugi-kem zzehṛ-iw

Teğğa yesleb win i tt-yumnen
Ula i d-as-yini
Tmeḥn-iyi zṛan medden
qbeleɣ-as kulcis
Wissen wi i tebɣa nniḍen
Mačči d nekkini

Udem imezga ger wallen-iw
Iteddu yid-i
Fell-am i sebbleɣ temẓi-w
Ṛwiɣ lemeḥna
Kemmel kan i leɣbayel-iw
Uɣeɣ tannumi

Tessḍelmḍ-iyi ur ḍelmeɣ          

T-ssḍelemḍ-iyi ur ḍelmeɣ          
Γas ḍelmeɣ mebla lebɣi-w          
Semḥ-iyi akken d am-semḥeɣ          
A tin εzizen fell-i          
          
Lemḥibba-nneɣ tettwaqqed          
Di lkanun tegr i wurɣu          
S yesɣaṛen tettwassed          
Akken yiwen ur tt-isnusu          
D ddexxwan deg-genni a d-yebded          
Alamma yelḥaq s agu          
Times-is a d-teğğ iɣed          
Iɣed-nni a t-yeddem waḍu          
          
Iɣed-nni a yeddem waḍu          
A ten-izrε zdat wexxam          
A d-imɣi lward ad yefsu          
Ad imettel di ssifa-m          
Nek a d-uɣaleɣ d agu          
Sennig-im a m-dehduɣ sslam          
Leḥcic a m-yuɣal d usu          
Igenni d aεdil fell-am          
          
A d-tas teslit b-bwenẓar          
A s-tefk i lwerd lfuḍas          
Lebraq a d-iwwet am lefnar          
A d-ibeggen ssifa-s          
Lehwa-s d-iḥeggun aẓar          
D nek a t-id-yaznen fell-as          
A tin m’i d-zzin lenwaṛ          
Ad am-iliɣ d aεessas          
          
Atan unebdu yebbwḍ-d          
Yebbwḍ-d wass-im d wass-iw          
Nek seg-genni ad iyi-isfeḍ          
Kem a m-yesreɣ afriwn-im          
Ğğiɣ-kem ad i t-semḥeḍ          
Γas fehm-it deg iman-im          
Lemḥibba-w ɣr-m teɣleḍ          
Tusa-d tεedda ur teqqim

Aεeṭṭar          

Urgaɣ ttejṛa  n leḥlu          
Tefṛah yeḥya-d uẓar-is          
Urgaɣ ttejṛa n leḥlu          
Yessker-itt-id uẓar-is          
Urgaɣ ttejṛa n leḥlu          
Yuɣal-itt-id wemkan-is          
          
Urgaɣ amakken d ṣṣaḥ          
Ass-a mačči am yidelli          
Urgaɣ amakken d ṣṣaḥ          
Ḥedṛeɣ i wedrar yuki          
Urgaɣ amakken d ṣṣaḥ          
Urgaɣ amakken d ṣṣaḥ          
Agris i t-yedlen yefsi          
          
Urgaɣ ssnesla n wuzzal          
Di tlemmast cudden-tt s lxiḍ          
Urgaɣ ssnesla n wuzzal          
Nufa anga cudden-tt s lxiḍ          
Urgaɣ ssnesla n wuzzal          
Urgaɣ ssnesla n wuzzal          
Si ṣṣuṛ cudden-tt ɣer lḥiḍ          
          
Ay aεeṭṭar i yεeddan          
Awi-yi-d yid-ek lemri          
D aṛfiq-iw i diyi-innan          
lbeddel wudem-ik fell-i          
Ad waliɣ ma ayen i yellan          
Acaqur yegguni-yi          
          
Ẓdiɣ s taḍuṭ aεlaw          
Si tmura jban-d lɣaci          
F lğal-is εemmeṛn agraw          
Zgaɣ-d mbεid am tili          
Mi rriɣ ad ḥaderɣ ayla-w          
Yeḥṣel lemdk di lfuci          
          
Yenna-d mli-d ssuma          
kra i tebɣiḍ ad ak-tefkeɣ          
Lɣaci ur d-ttafen ara           
Amkan n tmeggḥelt          
Ur d ak-tt-zznuzuɣ          
Γas s ufeggag n wewṛaɣ          
          
Iban-d win i ten-issnen           
Am zeqquṛ i d-gren s asif          
Taḥemmalt i t-issbaεden          
Seg uẓar-is teğğa ɣef rrif          
Lemḥiba-nnsen d asawen          
Tamusni-nnsen d aɣilif

A Mmi
          
Baba-s          
A mmi leqraya tekfiḍ          
Dacu ɣer i k-id-tessuffeɣ          
Ayen akw i tεettbeḍ teɣriḍ          
Ml-iyi-d ad ak-ferḥeɣ          
          
Mmi-s          
Yenna-d: a baba xtareɣ          
Abrid-iw iban-iyi          
Usiɣ-d ar ɣur-k a k-cwireɣ          
Fk-d rray-ik εiwn-iyi          
          
Baba-s          
A mmi baba-k tzegl-it          
Teẓrid ur ɣriɣ ara          
Nek llakul-iw d ddunit          
Leqlam ur s-zmireɣ ara          
          
Mmi-s          
Yenna-yi-d mačči s leqlam          
I k-nniɣ ad i tεawneḍ          
Ayen bɣiɣ yecba s axxam          
Am axxam idg i tḥekmeḍ          
          
Baba-s          
Lameεna-k tṛuḥ-iyi          
Tεedda nnig uqerru-w          
A mmi xas s fehm-iyi          
Awal yeḥwağ asefru          
          
Mmi-s          
Lameεna ɣef-fid iɣ-iḥekmen          
          
Atnan la ten-nettwali          
Dacu i d-izaden deg-sen          
Zemreɣ ula d nekkini          
Bɣiɣ ula d nekkini          
Ad uɣal-aq d yiwen nnsen          
Ma yella yebɣa Ṛebbi          
Yibbwas a-d-kkeɣ nnig-sen

Arğu-yi          

Laεca wis d acu yeḍṛan          
S umeğğed taddart teqlaε          
Lɣaci ffɣen-d s izenqan          
Tiziri tebded ɣef yeẓṛa          
Di tafat-nni mi d-εeddan           
Ayen akken i d-εebban          
Yufrar-d nnig iqqwerra          
          
Azekka-nni mi d-kreɣ          
Tiɣri n leεbad ur s-sliɣ          
Aεni neṭlen-tt ur ḥedreɣ          
Yili di taddart i lliɣ          
Am-min s innan ar k-wteɣ          
Yerna a k-galleɣ          
Ma tsuɣeḍ ar d ccetkiɣ          
          
Ayen akw i nehder          
Wissen ma d-yeḥder          
Yefka-t unebdu i lexrif          
Ma nniɣ-am ssber          
Teẓriḍ ulayɣer          
Iḥfi d ssber n bessif          
Ma nru ma nehḍer          
Ma nsuɣ ma neqber          
Ayn ẓẓayen ur d-itt-xfif          
Arğu-yi arğu-yi          
          
Nnan-d wid i d-yessawlen          
D lgirra i yezwaren          
Arğu-yi arğu-yi          
          
Arğu-yi ad am-hedreɣ          
Fiḥel ma εeṭleɣ          
Teẓriḍ dacu i daɣ-yuɣen          
D abrid a d-ṛuḥeɣ          
Ayen yeḍran qebleɣ          
Lexbar n  wa’d-yuɣalen          
Γer din ma yawḍeɣ          
Ad am d-ketbeɣ          
Am d-ḥkuɣ i di yuɣen          
Arğu-yi arğu-yi          
          
Widak ig yeṭṭḍebbiren          
Snulfan-iyi-d iεdawen          
Arğu-yi arğu-yi          
          
Γef tmacint uliɣ          
D irfiqen i n-uffiɣ          
Udem-iw am udmawen-nnsen          
Deg-sen ttwaliɣ          
Γur-sen ttcabiɣ          
Yiwen uεekkwaz i ɣ-yewten          
Ma teɣli-m lliɣ          
Di lmeḥna-nneɣ d atmaten          
Arğu-yi arğu-yi          
          
Ceggεen-iyi a d-nnaɣey          
Wis ahat ma d-uɣaleɣ          
Arğu-yi arğu-yi          
          
Mi nebbwed twanseɣ          
Deg-waṭas yid-nneɣ          
Rruεd mbeεid i s-nsel          
Mi bedlen bedleɣ          
Leḥwayeğ iy kkseɣ          
Rrğan-t d-id-yerr wesfel          
Imiren ugadeɣ          
Di ddqayeq ḥettbeɣ          
Wa d-yuɣalin ad awen-immel          
Arğu-yi arğu-yi          
          
S azrar εeqlen-iyi isem-iw          
Tamukḥelt ger ifassen-iw          
Arğu-yi arğu-yi          
          
Tettuɣ-kem tikwal          
Yekkes-ikem wuzzal          
Yeks-ikem si ger wallen-iw          
Aɣebbar azal ur ḥwağen awal          
D wid i-gtezzin di lmux-iw          
Arğu-yi arğu-yi          
          
Ass yefkan mazal          
Azekk’a d-yuɣal          
Sεarqen-iyi leḥsab-iw          
Rrmel s yiṭij yeḥma          
Ikemmel-as rrsas yerɣa          
Arğu-yi arğu-yi          
          
Sliɣ taqcict terna          
Semmi-yas lehna          
Ahat at-telhu d lfal          
Neεya di lgirra          
D amennuɣ nerwa          
Mulac a ɣ-d-yerğem wakal          
Neḥzen mi d negwra          
A s nekkes nnuba-s i ccwal          
Arğu-yi arğu-yi          
Kulw’ad yuɣal s axxam-is          
Akken a d-yesfeḍ leğraḥ-is          
Arğu-yi arğu-yi