Forum sur la musique kabyle - toute la musique kabyle est sur www.musiquekabyle.com -

Tuɣac n tmes

Siwel-ed ɣer wurar
Tudrin d laarac
Ad isel wedrar
Uraw n tuɣac
Wissen ma ad neddar
Neɣ tuɣalin ulac
Tamurt mi texser
Tessewḥac

A tawint n ṣṣber
Issallazen ulawen
Azen-iyi-d lebḥar
N imeṭṭawen
Tamurt-iw tenḍerr
Si lmut n yizmawen
Abrid i teḍfer
D ijenwiyen
Leḥkwem d at ičumer
Dduklen-aɣ d akniwen
Ttawin-aɣ ɣer temqbar
Yiwen yiwen
Igujilen meqqar
Axxi akka d asawen
A newwet ad ten-nḥader
Γef igerfiwen

Siwel-ed ɣer wurar
Tudrin d laarac
Ad yecfu wedrar
Γef uraw n tuɣac
Wissen ad nedder
Nep tuɣalin ulac
Yiwwas ad yeḥḍer
I nesseḥmac
A tuɣac n tmes
Sut isefra n waman
Tidett ma tumes
Qsen-tt izerman
Sswemt agunes
Nefud am ileɣwman
Ammer ad aɣ-twanes
Tezdeg n iselman
I yeḥmlen axnunes
D wid yesseḍma lehkwem

Seg imi ara d-kren d amunnes
Ḥala ɣer yir asirem

Ixef-nneɣ anda ara yenes
Ma d nekwni nessusem
I lbaṭel d ukennes
Γer usedrem

Siwel-d ɣer wurar
Tudrin d laarac
Ad yezlez wedrar
S wuraw n tuɣac
Wissen ma ad neddar
Neɣ tuɣalin ulac
Tamurt mi texser
Tessewḥac

Keč a yazemmur
Win ẓẓaden iɣuraf
Akken id-nuɣ amur
Ur nemxallaf
Nekwni i wumi ur teččur
Lğib-nneɣ yeselqaf
Zwin-aɣ neqqur
Nečča amextaf
Am usafar am ujeqdur
Leɣela-nnsen teseglaf
Tukkerḍa teskufur
Anda nerra ad tt-naf
Deg-nneɣ la yettumɣer
Ukennur n yal zzaf
Ma nekker-d yiwen wugur
Ur tt-id-yettaṭṭaf

Siwel-d ɣer wurar
Tudrin d laarac
Ad yezdew wedrar
S wuraw n tuɣac
Asirem nedder
Ayen akw i nesseḥmac
Azekka ad d-ihḍer
Amenaac

A yiṭij yerɣan
I yegan aksum aras
Aql-i am win yi-inɣan
Yewwet-it maras
Ul-iw alɣuɣan
N wasmi nettemwanas
Yeqqwel d adɣaɣan
Yennekras
La ssikideɣ imɣan
Fessin tindert tinedert
La d-sendaqen isɣan
S wudem n tudert
Azekka imenɣan
Mara afgen am waḍu
D tafsut medden i bɣan
Ad taɣ anebdu

Siwel-d ɣer wurar
Tudrin d laarac
Ad yefreḥ wedrar
S wuraw n tuɣac
Fell-aɣ ad iḥḍer
Wass i nesseḥmac
Tamurt ad tedder
Ugur ulac